Er det dette man kaller langtidsparkering?
For de som har fartet over Utvikfjellet de siste dagane, har det ventet et overraskende syn for den årvåkne billist.
På utkikkspunktet nedanfor Karistova dukka nemleg ein bil ut av snøen.
Bilen har tydelegvis hatt ein snøtung vinter over seg, og først då dei blå gradene kraup over 0 og snøen tok til å smelte, kom bilen opp i dagen.
– Eg har aldri sett liknande langs vegane, men eg har høyrt om tilfelle der bilar har forsvunne på den måten på parkeringsplassar, seier vaktoperatør ved Vegtrafikksentralen i Lærdal, Roger Nedberge Hille.
Kan få rekninga
Han seier at det kan vere ein god ide for bileigaren å hente bilen som står der.
– Om ikkje kan han risikere at politiet kjem til staden, og får bilen fjerna, på eigaren si rekning. Dette er ikkje vegvesenet si sak, det er heller ei politisak. Ein skal ikkje bruke vegskuldrane som dumpingplass, seier Nedberge Hille.
No snur det
Vegtrafikksentralen har dei siste dagane fått mange telefonar om vegar som har hatt dårlege tilhøve.
– Vi gjekk ut i helga og frårådde folk å legge om til sommardekk. Det har vore tidvis vanskeleg køyretilhøve kring i fylket, og det var snø langt ned søndag, seier vaktoperatøren.
Men trass det dårlege vêret tidlegare i veka, trur han no dei som ser fram til å bli kvitt tikkinga frå piggdekka, går betre dagar imøte.
– Det er meldt ein del nedbør og låge temperaturar tysdag, men etter det ser det ut til å snu og bli mildare. Då ser det berre ut til at det kan bli få snøbyger høgt i terrenget etter det. Så no kan ein nok byrje å tenke på å finne fram sommardekka, men det er viktig å følgje med på vêrmeldingane, seier Nedberge Hille.